Lug‘at va uning turlari, izohli lug‘at

So‘zlarning ma’nosini batafsil tushuntirib beradigan lug‘at izohli lug‘at deb ataladi. Izohli lug‘atda so‘zlar alifbo tartibida bosh harflar bilan beriladi. Bosh so‘zdan keyin kvadrat qavs ichida uning kelib chiqishi (masalan, arabcha, forscha) ko‘rsatiladi, so‘ng ma’nolari 1., 2. tarzida raqamlanib izohlanadi, ko‘chma ma’nolar alohida ko‘rsatiladi. Masalan: OLMA — 1. Daraxtda o‘sadigan, yumaloq shirin meva. 2. Shu mevali daraxt. Ko‘p ma’noli so‘zning har bir ma’nosi alohida raqam bilan izohlanadi. Izohli lug‘atda so‘zning qo‘llanish uslubi ham ko‘rsatiladi.