Quyosh tizimi
Quyosh va uni aylanib yuradigan barcha sayyora, yo‘ldosh va boshqa jismlar birgalikda Quyosh tizimini tashkil qiladi. Quyoshdan boshlab sayyoralar: Merkuriy, Venera, Yer, Mars, Yupiter, Saturn, Uran, Neptun. Har biri o‘z yo‘li — orbita bo‘ylab aylanadi. Dastlabki to‘rttasi kichik, toshsimon sayyoralar: Merkuriy hammasidan kichik va Quyoshga hammasidan yaqin turadi; Venera juda issiq, zich bulutli; Yer — hayot bor yagona sayyora; Mars qizg‘ish, sovuq. Keyingi to‘rttasi ulkan, gazli sayyoralar: Yupiter eng katta; Saturn go‘zal halqalari bilan mashhur; Uran va Neptun juda sovuq, ko‘k-yashil rangda. Sayyoralar miltillamay, bir tekis porlaydi, Venera esa osmondagi eng yorqin «yulduz»dir.
«Tirik Quyosh tizimi»: bitta bola Quyosh bo‘lib o‘rtada turadi, 8 nafar bola sayyoralar bo‘lib tartib bilan o‘z nomi yozilgan kartochka bilan atrofida aylanadi. Boshqa bolalar tartibni tekshiradi.