Materiklar bo‘ylab sayohat
Yerda oltita materik bor: Yevroosiyo, Afrika, Shimoliy Amerika, Janubiy Amerika, Avstraliya va Antarktida. Yevroosiyo — eng katta materik, O‘zbekiston ham shu yerda, Osiyo qismida. Afrikada Saxara cho‘li va savannalar bor. Avstraliyada kenguru va koala yashaydi. Antarktida deyarli butunlay muz bilan qoplangan, juda sovuq. Materiklar yuzasi: tog‘lar baland va cho‘qqisi ko‘pincha qorli, tepaliklar pastroq, tekisliklar yassi va keng; ularda ekin ekiladi.
«Materiklar sayohati»: globus yoki xaritada oltita materikni topib, har birini turli rangga bo‘yaymiz. Keyin o‘qituvchi savol beradi: «Kenguru qaysi materikda yashaydi?», «Eng sovuq materik?», «Biz qaysi materikdamiz?». Bolalar xaritadan ko‘rsatadi. Qum yoki plastilindan tog‘, tepalik va tekislik maketini yasaymiz.