Energiya qayerga yashiringan?
Energiya — ish bajarish imkonini beradigan narsa: yuk ko‘tarish, narsani surish, to‘pni uloqtirish, uyni isitish. Energiya odamda ham, hayvonda ham, shamolda, oqayotgan suvda, Quyoshda bor. Inson energiyani ovqatdan oladi: ovqat yesak, kuch-quvvat paydo bo‘ladi, ovqat yemasak, toliqamiz. Odamlar birinchi bo‘lib shamol, oqar suv va o‘z kuchidan foydalangan. Energiyani zaxirada saqlash mumkin: tarang tortilgan kamon, siqilgan prujina, baland javondagi narsa, taxlab qo‘yilgan o‘tin energiya saqlaydi.
Qaysi guruhga kiradi?
Uxlab dam olgandan keyin ertalab o‘ynashga kuchimiz bor.
Bir marta sakrab, kuchingizni sezing.
Tajriba «Yashirin energiya»: rezinkani ikki barmog‘ingizga ilib tortib, kichik qog‘oz sharchani yerga qarab otib ko‘ring (hech kimning yuziga qaratmang!). Tortilgan rezinkada energiya bor edi. Prujinali o‘yinchoqni bosib, qo‘yib yuborib ham kuzating. Savol: energiya zaxirasi qayerda bo‘lgan? Xavfsizlik: rezinka va to‘pni hech kimga qaratmang, ko‘z uchun ehtiyot bo‘ling.