Ma’nodosh, zid ma’noli va shakldosh so‘zlar

Ma’nodosh so‘zlar turlicha yoziladi, ammo ma’nosi bir xil yoki bir-biriga yaqin bo‘ladi. Ular bir so‘z turkumiga oid bo‘ladi: quvonch – shodlik (ot), jasur – botir (sifat), gapirmoq – so‘zlamoq (fe’l). Ma’nodosh so‘zlar nutqni boy va chiroyli qiladi, bir so‘zni qayta-qayta takrorlamaslikka yordam beradi. Lekin ularning ma’nosida ozgina farq bo‘lishi mumkin, shuning uchun gapga mosini tanlash kerak.