Ezop masallari (II) va takrorlash

«Eshak bilan baqalar»da yuki bilan botqoqqa yiqilgan eshak nola qiladi, baqalar esa butun umri shu yerda o‘tishini eslatadi; ibrat – kichik qiyinchilikda sabr va shukr qiling. «Ustiga tuz ortilgan eshak»da eshak tuz suvda erib, yuk yengillashishini bilib, ataylab yiqiladi; keyingi safar unga boshqa yuk ortilgani sababli cho‘kadi; ibrat – hiyla bilan engil yo‘l qidirgan o‘z boshiga kulfat keltiradi. «Burgut, zag‘cha va cho‘pon»da zag‘cha burgutga taqlid qilib, qo‘chqorga tashlanadi, ammo panjalari uning qalin juniga o‘ralashib qoladi; ibrat – o‘z imkoniyatingni bil. Ezop an’anasini fransuz J. Lafonten va rus I. Krilov davom ettirgan; o‘zbek adabiyotida Gulxaniy «Zarbulmasal»i mashhur.