Muqimiy va sayohatnoma janri

Sayohatnoma – sayohat xotiralari va ular bilan bog‘liq tafsilotlarni aks ettirgan nasriy yoki she’riy asar. Muqimiy sayohatnomalari odatda she’riy to‘rtliklar shaklida yozilgan. Ularning tuzilishi uch qismli: kirish – sayohatga chiqish sabablari; yo‘l xotiralari – joylar, odamlar tasviri; xulosalar. Muqimiy «Qo‘qondan Shohimardonga», «Qo‘qondan Farg‘onaga», «Qo‘qondan Isfaraga» sayohatlari haqida yozgan. Shoir noxush joy va kishilarni achchiq tanqid qiladi, Farg‘onaning go‘zal bog‘lari va suvlarini esa zavq bilan tasvirlaydi. Muqimiydan so‘ng Zavqiy, Furqat, Tajalliy kabi shoirlar ham sayohatnomalar yozgan.