Leksikologiya II: so‘z boyligi va frazeologiya

Frazeologik birlik (ibora) — ma’nosi alohida so‘zlar ma’nosi yig‘indisidan chiqmaydigan barqaror birikma: og‘zi qulog‘ida (juda xursand), qo‘li ochiq (saxiy), ichi qora (hasadgo‘y). U gapda bitta bo‘lak vazifasini bajaradi. Maqol — tugal fikr bildiruvchi, ibratli gap: Yaxshi so‘z — jon ozig‘i. U butun bir gap. Qoida: ibora so‘z birikmasi, maqol esa gap. Lug‘atlar: • izohli — so‘z ma’nosini tushuntiradi; • imlo — so‘z qanday yozilishini ko‘rsatadi; • etimologik — so‘zning kelib chiqishini; • sinonimlar, omonimlar, antonimlar lug‘ati — shu turdagi so‘zlarni; • frazeologik — iboralarni. Istisno: iborani so‘zma-so‘z tarjima qilib bo‘lmaydi, ma’nosi ko‘chma.