Hujjatni tahrirlash va formatlashga oid mashqlar
Yaxshi hujjat tayyorlash bosqichlarga bo‘linadi. Avval reja tuziladi: har bir abzas nima haqida bo‘lishi yoziladi. Keyin matn yoziladi va hujjat darhol mazmunli nom bilan saqlanadi. Uchinchi bosqich – tahrir: xatolar to‘g‘rilanadi, ortiqcha gaplar o‘chiriladi, kerakli so‘zlar almashtiriladi. To‘rtinchi bosqich – formatlash: sarlavha ajratiladi, shrift va abzas parametrlari tanlanadi, sahifa rangi, chegarasi va raqami qo‘yiladi. Oxirida hujjat qayta o‘qib tekshiriladi, Ctrl+S bilan saqlanadi, kerak bo‘lsa «...kabi saqlash» bilan zaxira nusxa olinadi. Tartib muhim: avval mazmun, keyin bezak, aks holda tahrirda formatni qayta tuzatishga to‘g‘ri keladi. Qoidalarni eslang: yangi abzas – Enter; satr oxiriga – End, boshiga – Home; butun matnni belgilash – Ctrl+A; qalin yozuv – Ctrl+B. Bu darsda siz oldingi darslarda tayyorlagan hujjatlaringizni bir butun ishga aylantirasiz.
«Hujjat ustaxonasi»: har bir o‘quvchi o‘z hujjatini yonidagi o‘rtog‘iga tekshirish ro‘yxati bo‘yicha baholashga beradi va ikki taklif oladi.