Hujjatlarda shakllar va chizmalar

Oddiy chizmalarni Paintsiz, Wordning o‘zida ham chizish mumkin. Buning uchun Joylashtirish (Insert) tabidagi Shakllar (Shapes) ro‘yxati ochiladi. Unda chiziqlar, to‘g‘ri to‘rtburchaklar, asosiy shakllar, shaklli strelkalar, formula shakllari, blok-sxema elementlari, yulduzlar va tasmalar hamda izohli shakllar bor. Shakl tanlangach sichqoncha ko‘rsatkichi «+» ga aylanadi; chap tugmani bosib sudralsa, shakl chiziladi. Shift bosib tursangiz aylana, kvadrat yoki to‘g‘ri chiziq hosil bo‘ladi (Ctrl esa markazdan chizadi). Shakl belgilanganda Shakl formati (Shape Format) tabi chiqadi. U orqali ichini rang, rasm, gradiyent yoki tekstura bilan to‘ldirish, chegara chizig‘ining rangi, qalinligi va shtrix turini tanlash, effektlar (soya, relyef) berish mumkin. Shakl ichiga matn yozish ham mumkin. Yuqoridagi aylantirish belgisi yordamida shakl burib qo‘yiladi, Aylantirish (Rotate) tugmasi esa akslantiradi. Bir necha shakldan uy yoki robot kabi chizma yasash uchun ularni Shift bilan belgilab, Guruhlash (Group) tugmasi bosiladi; shunda chizma bir butun obyekt kabi ko‘chiriladi va o‘lchami o‘zgartiriladi.