Wordda matn yozish qoidalari
Word hujjatni turli holatda ko‘rsatadi: Sahifani belgilash (Print Layout – qog‘ozdagidek ko‘rinish, odatiy holat), O‘qish (Read Mode – ekranga moslangan, ko‘z kam charchaydi), Web-hujjat (brauzerdagidek), Struktura (Outline – sarlavhalar tuzilishi) va Qoralama (Draft – faqat matnga e’tibor). Ular Ko‘rinish (View) tabidan yoki holat satridan tanlanadi. Satr oxiriga yetganda so‘z avtomatik yangi satrga o‘tadi, yangi abzas uchun esa Enter bosiladi. Tinish belgisidan keyin probel qo‘yiladi, undan oldin qo‘yilmaydi. Defis (qovun-tarvuz) probelsiz yoziladi, tire (Ctrl va raqam klaviaturasidagi minus) ikki tomondan probel bilan, uzun tire (Ctrl+Alt va shu minus) ham probel bilan yoziladi. Qavs va qo‘shtirnoq ichidagi so‘zlar ulardan probel bilan ajratilmaydi. Qat’iy probel (Ctrl+Shift+Probel) «A. Fozilov» kabi jumlani bir satrda ushlaydi, qat’iy tire (Ctrl+Shift+-) «5-sinf» ni bo‘lib tashlamaydi, yumshoq tire (Ctrl+-) so‘zni qayerdan bo‘lib ko‘chirish mumkinligini ko‘rsatadi. Rim raqamlari I, V, X, L, C, D, M harflari bilan yoziladi.
«Tirelar jangi»: o‘qituvchi gaplarni ekranga chiqaradi, o‘quvchilar defis, tire yoki uzun tire kerak joyini topib, Wordda to‘g‘rilaydi.