Tugmalardan naqsh yasash
Tugmalar turli rangda, kattalikda va shaklda bo‘ladi. Ularni kiyim, sumka, daftar muqovasi va rasmlarni bezatish uchun ishlatish mumkin. Naqsh yaratishda ranglarni va kattaliklarni navbatma-navbat takrorlaymiz yoki markazdan ikki yonga bir xil joylashtiramiz — bu simmetriya. Avval tugmalarni qog‘ozga qo‘yib ko‘ramiz, keyin ma’qul variantni mato yoki fetrga qadaymiz.
Kerak: 10–15 ta turli tugma, fetr (15x15 sm), igna, ip, qaychi, qog‘oz. Qadamlar: 1) Tugmalarni qog‘ozga qo‘yib, naqsh variantlarini sinab ko‘ring. 2) Eng yaxshi variantni tanlab, uni fetrga ko‘chirib qo‘ying. 3) Tugmalarni bir-bir tartib bilan tikib chiqing. 4) Ishni tekshiring: tugmalar mahkam turibdimi, tugunlar orqada ekanmi? Xavfsizlik: igna va qaychi qoidalariga amal qiling; ish tugagach barcha tugmalar va ignalarni sanab yig‘ing.